فرمان الہی
نماز کے اوقات
بالی ووڈ اسٹار اداکار سیف علی خان کے صاحبزادے ابراہیم علی خان اور اداکارہ پلک تیواری کیا ایک ساتھ چھٹیاں گزار رہے ہیں؟
بھارتی میڈیا رپورٹس کے مطابق ابراہیم علی خان اور پلک تیواری نے مالدیپ سے سوشل میڈیا پر اپنی اپنی تصاویر اور ویڈیوز شیئر کیں، جس میں جگہیں بالکل یکساں ہیں۔
مداحوں میں پہلے ہی ابراہیم علی خان اور پلک تیواری کے تعلق کی افواہیں زیر گردش ہیں، لیکن اب دونوں کی یکساں جگہوں کی تصاویر اور ویڈیو سامنے آنے کے بعد چہ مگوئیاں بڑھ گئی ہیں۔
بھارتی میڈیا رپورٹس کے مطابق ابراہیم علی خان اور پلک تیواری ان دنوں مالدیپ میں چھٹیاں گزار رہے ہیں، دونوں نے اپنے اپنے انسٹاگرام اکاؤنٹس پر اپنی تصاویر شیئر کیں۔
دونوں کی تصاویرکا مداحوں نے عقابی نظروں سے جائزہ لیا اور اس پر دلچسپ انداز میں ردعمل دیا۔
23 سالہ ابراہیم نے اپنی شیئر کی گئی تصاویر پر مبنی پوسٹ کو کوئی عنوان نہیں دیا ہے، ان میں وہ تیراکی کررہے ہیں، کھانا کھا رہے اور رات کو باہر سیر پر جارہے ہیں، ایک تصویر میں وہ سفید شرٹ زیب تن کیے ہوئے ساحل سمندر پر ایک میز پر بیٹھے ہیں ۔
24 سالہ پلک تیواری نے مالدیپ کی چھٹیوں کے دوران ایک طویل ویڈیو شیئر کی ہے، جس کا عنوان چھٹی پر موجود لڑکی رکھا ہے۔
ویڈیو میں پلک تیواری نے خود کو یاٹ کی سیر، چہل قدمی، سوئمنگ پول پر ناشتہ اور رومانوی ماحول میں ڈنر کرتے دکھایا ہے، تاہم اداکارہ نے اس پوسٹ کا کمنٹ سیکشن بند کیا ہوا ہے۔
مداحوں نے تصاویر اور ویڈیو میں پایا کہ سوئمنگ پول کی جگہ اور کھانے کی میز بالکل ایک جیسی ہیں۔
ابراہم کی پوسٹ پر مداحوں نے ردعمل دیا اور ایک نے کہا کہ پلک کی ویڈیو اور آپ کی تصاویر کی بہت سی جگہیں اور مقامات بالکل ملتے جلتے ہیں۔
ایک اور شخص نے تبصرہ کیا کہ ’وہی سوئمنگ پول، وہی یاٹ، وہی ڈنر ٹیبل، یہ دونوں ان سب کو چھپانے کی کوشش بھی نہیں کررہے ہیں۔
ایک اور مداح نے ردعمل دیا کہ ’اس بات کی تصدیق ہوگئی کہ آپ پلک تیواری کو ڈیٹ کر رہے ہیں۔‘
ایک اور انسٹاگرام صارف نے کہا کہ ’ابراہیم علی خان اور پلک تیواری ان تصاویر کے ذریعے اپنے تعلق کی تصدیق کررہے ہیں۔‘
پلک تیواری اور ابراہیم علی خان کے تعلقا ت کی افواہیں 2020ء میں ایک فلم کے پریمئر کے بعد سے زیر گردش ہیں، گزشتہ دنوں انہیں ابو جانی اور سندیپ کھوسلہ کی دیوالی پارٹی میں بھی ساتھ دیکھا گیا۔
