فرمان الہی
نماز کے اوقات
نگراں حکومت نے بھارت میں ٹریڈ آفیسر تعینات نہ کرنے کا فیصلہ کیا ہے۔
ذرائع وزارتِ تجارت کے مطابق بھارت میں ٹریڈ آفیسر تعیناتی کے سابقہ حکومتی پلان پر عملدرآمد روک دیا گیا ہے۔ سابق وزیراعظم شہباز شریف نے نئی دلی میں ٹریڈ آفیسر تعینات کرنے کی منظوری دی تھی۔
اس حوالے سے ذرائع کا کہنا ہے کہ اتحادی دور میں ٹریڈ آفیسرز کے لیے مشتہر 40 آسامیوں میں نئی دلی بھی تھا۔
ذرائع وزارتِ تجارت کے مطابق نگراں وزیراعظم نے نئی دلی کے سوا باقی مشتہر 39 بیرونِ ملک ٹریڈ افسران کی آسامیوں پر تعیناتی کی منظوری دی ہے۔
ذرائع کا کہنا ہے کہ تجارت معطلی کے باوجود بھارت میں ٹریڈ آفیسرکی تعیناتی کا عمل شروع کیا گیا تھا۔ شہباز شریف نے بھارت میں گریڈ 20 کی ٹریڈ اینڈ انویسٹمنٹ منسٹر کی آسامی ختم کردی تھی۔
ذرائع کے مطابق نئی دلی میں گریڈ 19 کی ٹریڈ اینڈ انویسٹمنٹ قونصلر آسامی کی منظوری دی گئی تھی۔
وزارتِ تجارت کے حکام کے مطابق پاکستان نے اگست 2019ء سے بھارت کے ساتھ تجارت معطل کر رکھی ہے۔
