فرمان الہی
نماز کے اوقات
کراچی کے علاقے میمن گوٹھ اور جنجال گوٹھ میں فائرنگ سے 2 افراد جاں بحق ہوگئے، کورنگی صنعتی ایریامیں ڈکیتی کی کوشش ناکام بناتے ہوئے زخمی ڈاکو کو گرفتار کرلیا گیا۔
میمن گوٹھ میں بھینسوں کے باڑے کا مالک جاں بحق ہوگیا، مقتول کی شناخت عبدالکریم کے نام سے کی گئی۔
سپر ہائی وے جنجال گوٹھ میں فائرنگ سے 30 سالہ شخص جاں بحق ہوگیا، مقتول صوابی سے کراچی آیا تھا اور امین زادہ کے نام سے اس کی شناخت ہوئی ہے۔
واقعے کے عینی شاہد اور مقتول امین زادہ کے دوست نعیم الرحمان نے بتایا کہ ہم جنجال گوٹھ میں ہوٹل پر کھانا کھا رہے تھے، دو ڈاکو اسلحہ کے ساتھ موٹر سائیکل پر آئے، ملزمان نے مجھ سے موبائل فون اور رقم چھینی۔ امین زادہ نے لوٹ مار کے دوران مزاحمت کی تو ملزمان نے اسے گولی مار دی، امین زادہ کو ایک گولی سینے کے قریب لگی اور وہ جاں بحق ہوگیا۔
ادھر کورنگی صنعتی ایریا میں ڈکیتی کی کوشش ناکام بنادی گئی، مبینہ مقابلے میں ملزم زخمی حالت میں گرفتار کرلیا گیا۔
سکھن ریڑھی گوٹھ میں 3 سال کے بچہ کا مبینہ اغواء کے بعد قتل کردیا گیا، جس کی لاش سمندر سے ملی ہے۔
