فرمان الہی
نماز کے اوقات
عام انتخابات 2024ء کے کاغذات نامزدگی سے متعلق الیکشن ٹریبونلز کی رپورٹ جاری کر دی گئی ہے۔
پشاور سے الیکشن ٹریبونلز رپورٹ کے مطابق خیبر پختونخوا بھر سے 331 اپیلیں الیکشن ٹریبونل کو موصول ہوئیں۔ جسٹس عتیق شاہ، جسٹس شکیل احمد اور جسٹس وقار احمد نے 173 اپیلوں کی سماعت کی۔
پشاور ہائیکورٹ ایبٹ آباد بینچ کے جسٹس کامران حیات میاں خیل نے 25 اپیلوں کی سماعت کی۔ پشاور ہائیکورٹ مینگورہ بینچ کے جسٹس محمد نعیم انور نے 86 اپیلوں کی سماعت کی۔
الیکشن ٹریبونلز رپورٹ کے مطابق پشاور ہائیکورٹ ڈی آئی خان بینچ کے جسٹس فہیم ولی نے 14 اپیلوں پر سماعت کی۔
رپورٹ کے مطابق پشاور ہائیکورٹ بنوں بینچ کے جسٹس فضل سبحان نے 33 اپیلوں پر سماعت کی۔ دائر 331 درخواستوں میں 242 منظور اور 89 مسترد کی گئیں۔
الیکشن ٹریبونلز رپورٹ کے مطابق الیکشن ٹریبونل پشاور نے 43 کاغذات نامزدگی مسترد کیے۔ رپورٹ کے مطابق الیکشن ٹریبونل ایبٹ آباد اور مینگورہ نے17 امیدواروں کےکاغذات مسترد کیے۔
الیکشن ٹریبونلز رپورٹ کے مطابق الیکشن ٹریبونل ڈی آئی خان اور بنوں نے 4، 4 امیدواروں کےکاغذات مسترد کیے۔
