پوجا بھٹ کی پونم پانڈے پر تنقید، موت کی جھوٹی خبر کو توہین آمیز قرار دے دیا

بھارتی اداکارہ و پروڈیوسر پوجا بھٹ نے پونم پانڈے کی جانب سے پھلائی گئی اپنی ہی موت کی جھوٹی خبر کے عمل کو توہین آمیز قرار دے دیا۔ 

واضح رہے کہ پونم پانڈے کے سوشل میڈیا اکاؤنٹ سے یہ خبر جاری کی گئی تھی کہ پونم سروائیکل کینسر میں مبتلا ہونے کے بعد چل بسیں۔ 

تاہم ایک روز بعد ہی پونم نے خود سوشل میڈیا پر ایک ویڈیو بیان میں اس کی تردید کی اور کہا کہ وہ زندہ ہیں اور یہ سب انہوں نے سروائیکل کینسر کی آگاہی مہم کےلیے کیا۔ 

بھارتی اداکارہ پونم پانڈے کی موت ڈرامہ نکلی، آگاہی کی کوشش قرار

بھارتی اداکارہ و ماڈل پونم پانڈے نے اپنی موت کی ایک دن بعد خود ہی تردید کردی اور اسے محض ایک مہم قرار دیا ہے۔

سوشل میڈیا پر موت کی جھوٹی خبر کی مہم پر جہاں پونم پانڈے کو تنقید کا نشانہ بنایا جارہا ہے وہیں پوجا بھٹ نے بھی انکی تعزیت کےلیے کی گئی ٹوئٹ کو ڈیلیٹ کرتے ہوئے پونم کے اس عمل کو توہین آمیز قرار دیا۔ 

مائیکرو بلاگنگ ویب سائٹ ایکس پر پوجا بھٹ نے تحریر کیا کہ ’’میں کبھی اپنے ٹوئٹس ڈیلیٹ نہیں کرتی لیکن مجھے پونم پانڈے کی موت پر اپنے جذبات کا اظہار کرنے والے اس ٹوئٹ کو ڈیلیٹ کرنا پڑا۔‘‘ 

انہوں نے پونم کو تنقید کا نشانہ بناتے ہوئے کہا کہ آخر کیوں ایسا ہورہا ہے؟ معلوم ہوا ہے کہ ڈیجیٹل ٹیم کے ذریعے یہ خبر بنوائی گئی۔ 

پونم پانڈے کیخلاف مقدمہ درج کرنے کا مطالبہ

آل انڈیا سینما ورکرز ایسوسی ایشن (اے آئی سی ڈبلیو اے ) نے ماڈل و اداکارہ پونم پانڈے کے خلاف مقدمے کے اندارج کا مطالبہ کیا ہے۔

پوجا بھٹ نے کہا کہ ایسا کرنا ان لوگوں کی توہین ہے جو اس مرض میں مبتلا ہیں۔ 

واضح رہے کہ اپنے ڈیلیٹ کیے گئے پیغام میں پوجا نے پونم کےلیے لکھا تھا کہ پونم پانڈے کی موت کا سن کر بہت صدمہ ہوا۔ میری ان سے ملاقات تو کبھی نہیں ہوئی لیکن کم عمر شخص کی موت ہمیشہ تباہ کن ہوتی ہے۔ 

اس پیغام میں پوجا بھٹ نے پونم پانڈے اور ان کے اہلِ خانہ کے ساتھ تعزیت کا بھی اظہار کیا تھا۔