• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جی ڈی اے کا 16 فروری کو حیدر آباد بائی پاس پر دھرنے کا اعلان

تازہ ترین
قومی خبریں
12 فروری ، 2024
فوٹو بشکریہ سوشل میڈیا
فوٹو بشکریہ سوشل میڈیا

گرینڈ ڈیموکریٹک الائنس نے 16 فروری کو حیدرآباد بائی پاس پر دھرنے کا اعلان کیا ہے۔ 

اس حوالے سے جی ڈی اے کے مرکزی رہنما صفدر عباسی نے کہا کہ ہم احتجاج کے دائرہ کار کو بڑھائیں گے۔

جی ڈی اے نے الیکشن نتائج مسترد کردیے، سندھ اسمبلی کی نشستیں بھی چھوڑنے کا اعلان

جب فیصلہ ہو چکا کہ سندھ پیپلز پارٹی کو دینا ہے تو یہ دو نشستیں بھی زرداری صاحب کو دے دیں، پیر پگارا

صفدر عباسی نے مزید بتایا کہ اسمبلی اجلاس کے روز سندھ اسمبلی کے باہر احتجاج کریں گے۔ 

انہوں نے کہا کہ ہمارے دو ارکان اسمبلی حلف نہیں لے رہے۔ ہم دیگر جماعتوں کے ساتھ بھی رابطے کریں گے۔

کراچی میں پیر پگارا کی زیر صدارت جی ڈی اے رہنماؤں کے اجلاس سے متعلق سیکریٹری اطلاعات جی ڈی اے سردار عبدالرحیم کا کہنا تھا کہ اجلاس میں الیکشن کے بعد کی صورتحال پر غور کیا گیا۔

سردار عبدالرحیم کا کہنا تھا کہ اجلاس میں سید صدرالدین شاہ، سید غوث علی شاہ، غلام مرتضیٰ جتوئی، صفدر عباسی، لیاقت جتوئی، ارباب غلام رحیم، ڈاکٹر فہمیدہ مرزا، ایاز لطیف پلیجو، ڈاکٹر ذوالفقار مرزا اور عرفان اللّٰہ مروت بھی شریک ہوئے۔

پیر پگارا صبغت اللّٰہ شاہ راشدی کا کہنا تھا کہ ہم قانون کے دائرہ میں رہ کر احتجاج کریں گے، ہمارے احتجاج میں ایمبولینس کو کوئی نہیں روکے گا۔

قومی خبریں سے مزید