فرمان الہی
نماز کے اوقات
مریم اورنگزیب کو سینئر وزیر پنجاب اور وزیرِ اعلیٰ مریم نواز کا معاون خصوصی مقرر کر دیا گیا۔
ذرائع کے مطابق مریم اورنگزیب کو سینئر وزیر پلاننگ اینڈ ڈیویلپمنٹ بھی بنایا جا رہا ہے، انہیں جنگلات اور جنگلی حیات کی وزارت بھی دی جا رہی ہے۔
ذرائع کا کہنا ہے کہ کاظم پیرزادہ کو اریگیشن اور عظمیٰ بخاری کو اطلاعات و نشریات کی وزارت، بلال یاسین محکمۂ خوراک کے وزیر ہوں گے۔
رانا سکندر حیات کو پرائمری ایجوکیشن، خواجہ عمران نذیر کو پرائمری ہیلتھ، خواجہ سلمان رفیق کو اسپیشلایزڈ ہیلتھ، عاشق کرمانی کو زراعت اور خلیل طاہر سندھو کو انسانی حقوق کی وزارت دی جا رہی ہے۔
ذرائع نے بتایا کہ رمیش اروڑہ کو اقلیتی امور، فیصل کھوکھر کو اسپورٹس، ذیشان رفیق کو بلدیات، سہیل بھرت کو مواصلات، چوہدری شافع حسین کو انڈسٹری اینڈ کامرس اور شیر علی گورچانی کو مائنز اینڈ منرل کی وزارت دی جا رہی ہے۔
