میرا ایم کیو ایم پاکستان سے کوئی اختلاف نہیں، فیصل واوڈا

19 مارچ ، 2024

سابق وفاقی وزیر فیصل واوڈا نے کہا ہے کہ میرے اختلافات ایم کیو ایم لندن سے تھے، ایم کیو ایم پاکستان سے کوئی اختلاف نہیں۔

فیصل واوڈا کا کہنا ہے کہ انقلاب لانے کے لیے ملکی سالمیت کو خطرے میں نہیں ڈالا جاسکتا، انقلاب لانے کے بہت سے طریقے ہیں، جسٹس سسٹم کے ذریعے آپ انقلاب لا سکتے ہیں۔

انہوں نے کہا کہ ہمارے عدالتی نظام پر سوالیہ نشان ہے، بانی پی ٹی آئی مزید پریشانیوں میں پھنستے دکھائی دے رہے ہیں۔

واضح رہے کہ ایم کیو ایم کی جانب سے سندھ سے سینیٹ کی جنرل نشست کے آزاد امیدوار فیصل واوڈا کے تجویز اور تائید کنندہ بننے پر پارٹی کے بعض رہنماؤں میں تحفظات پیدا ہو گئے ہیں۔

انہوں نے اس فیصلے پر پارٹی کی اعلیٰ قیادت سے بھی ناراضی کا اظہار کیا ہے۔

ایم کیو ایم کے ایک رہنما نے جنگ سے بات چیت میں کہا کہ ملکی حالات اور سیاسی معاملات کو دیکھتے ہوئے یہ فیصلہ کیا گیا ہے، اختلافات ہونا جمہوری عمل کا حصہ ہے۔

قومی خبریں سے مزید