آزاد کشمیر کے پولیس افسر کو ’تمغہ امتیاز‘ دینے کا فیصلہ

حکومت پاکستان نے آزاد جموں و کشمیر پولیس کے ایس ایس پی راجہ عرفان سلیم کو ’تمغہ امتیاز‘ دینے کا فیصلہ کرلیا۔ 

ایس ایس پی راجہ عرفان سلیم نے برٹش فیملیز لوٹنے والے خطرناک گروہ کو پکڑا تھا۔ 

میرپور سے اغوا ہوئے برٹش کشمیری صابر مغل سے برطانیہ میں 2 لاکھ 23 ہزار پونڈ تاوان وصول کیا گیا تھا۔ 

عرفان سلیم نے نہ صرف ملزمان گرفتار کیے بلکہ برطانیہ جا کر برطانوی پولیس کی مدد سے تاوان کی رقم بھی برآمد کی تھی۔