سعودی ماڈل رومی القحطانی مس یونیورس کے مقابلے میں حصّہ لیں گی

سعودی عرب کی معروف ماڈل رومی القحطانی رواں سال مس یونیورس کے مقابلے میں حصّہ لیں گی۔

رومی القحطانی نے فوٹو اینڈ ویڈیو شیئرنگ ایپ انسٹاگرام پر سعوسی عرب کا جھنڈا تھامے اپنی چند تصاویر شیئر کی ہیں۔

اُنہوں نے یہ تصاویر شیئر کرتے ہوئے کیپشن میں لکھا ہے کہ مس یونیورس 2024ء میں شرکت کرنا میرے لیے اعزاز کی بات ہے۔

اُنہوں نے مزید لکھا کہ مس یونیورس مقابلے میں یہ سعودی عرب کی تاریخ کی پہلی شرکت ہے۔

رومی القحطانی اس سے قبل مس عرب پیس، مس پلانیٹ، مس مڈل ایسٹ اور دیگر مقابلوں میں شرکت کرچکی ہیں۔

یاد رہے کہ مس یونیورس کا مقابلہ رواں سال ستمبر میں میکسیکو میں منعقد ہوگا جس میں دنیا بھر کے کئی ممالک کی حسینائیں شرکت کریں گی۔