بھائی کا کیٹ مڈلٹن کیلئے نیک تمناؤں کا اظہار

29 مارچ ، 2024

برطانوی شہزادی کیٹ مڈلٹن کے کینسر کی تشخیص کے اعلان کے بعد ان کے چھوٹے بھائی جیمز مڈلٹن نے ان کے لیے اپنی نیک تمناؤں کا اظہار کیا ہے۔

جیمز مڈلٹن نے فوٹو اینڈ ویڈیو شیئرنگ ایپ انسٹاگرام پر کیٹ مڈلٹن کے ساتھ لی گئی بچپن کی ایک یادگار تصویر شیئر کی ہے۔

اُنہوں نے یہ تصویر شیئر کرتے ہوئے لکھا کہ ہم نے ہمیشہ مشکلات کا مل کر سامنا کیا ہے اور بطور فیملی ہم اس مشکل وقت کا بھی مل کر سامنا کریں گے۔

کیٹ مڈلٹن کی فیملی سے جیمز مڈلٹن نے کینسر کی تشخیص کی خبر سامنے آنے کے بعد سب سے پہلے سوشل میڈیا پر ان کے لیے اپنی نیک تمناؤں کا اظہار کیا تھا۔

یاد رہے کہ کیٹ مڈلٹن نے پیٹ کی سرجری کے بعد دو ماہ تک منظرِ عام سے غائب رہنے کے بعد کچھ روز قبل ایک ویڈیو پیغام میں اپنی صحت کے بارے یہ انکشاف کیا تھا کہ انہیں کینسر کی تشخیص ہوئی ہے۔

اُنہوں نے یہ بھی بتایا کہ کینسر کی تشخیص پیٹ کی سرجری کے بعد کیے جانے والےٹیسٹ میں ہوئی ہے جس کا اب علاج جاری ہے اور ان کی طبیعت میں بہتری بھی آ رہی ہے۔

تاہم، برطانوی شاہی محل نے یہ واضح نہیں کیا کہ کیٹ مڈلٹن کو کس قسم کے کینسر کی تشخیص ہوئی ہے۔

بین الاقوامی خبریں سے مزید