لاہور میں جرائم کا گزشتہ برس سے موازنہ، وارداتوں میں کمی

سال 2023 کی پہلی سہ ماہی میں جرائم کا 2024 کی پہلی سہ ماہی سے موازنہ کیا گیا جس کے مطابق گزشتہ برس کے مقابلے میں رواں سال کے پہلے 3 ماہ میں 4 ہزار وارداتیں کم ہوئیں۔

پولیس کا کہنا ہے کہ لاہور میں 2024 کے پہلے 3 ماہ میں مختلف جرائم کی 41 ہزار 484 وارداتیں ہوئیں جبکہ سال 2023 کے پہلے 3 ماہ میں مختلف جرائم کی 45 ہزار 849 وارداتیں ہوئی تھیں۔

لاہور: 24 گھنٹے میں جرائم 375 وارداتیں رپورٹ، پولیس

صوبہ پنجاب کے دارالحکومت لاہور میں ایک دن میں جرائم کی 375 وارداتیں ہوگئیں۔

پولیس ریکارڈ کے مطابق 2024 کے پہلے 3 ماہ میں 5 افراد ڈکیتی مزاحمت پر قتل ہوئے ہیں جبکہ 2023 میں ڈکیتی مزاحمت کے دوران 4 افراد قتل ہوئے تھے۔

اسی طرح 2023 اور 2024 کے پہلے 3 ماہ میں اغوا برائے تاوان کی 3 وارداتیں ہوئیں۔ 2024 میں مختلف وجوہات پر 83 افراد قتل ہوئے جبکہ 2023 میں 100 افراد قتل ہوئے تھے۔