حکومت عوام کو سستا آٹا دینے کیلئے کسانوں کو سبسڈی دے: لیاقت بلوچ

جماعتِ اسلامی پاکستان کے رہنماء لیاقت بلوچ نے مطالبہ کیا ہے کہ حکومت عوام کو سستا آٹا دینے کے لیے کسانوں کو سبسڈی دے۔

لیاقت بلوچ نے اپنے بیان میں کہا ہے کہ گندم کی قیمت میں اضافہ نہ کر کے حکومت نے کسانوں کی کمر توڑ دی۔

اُنہوں نے کہا کہ پورے ملک میں گندم کی ایک قیمت کا نہ ہونا بھی کسانوں کے ساتھ ظلم ہے۔

 جماعت اسلامی کے رہنما نے یہ بھی کہا کہ کھاد، زرعی ادویات، ڈیزل اور بجلی کی قیمتوں میں ہوشربا اضافہ ہوا جس کے بعد کسانوں کا گندم کی امدادی قیمت میں اضافہ کرنے کا مطالبہ جائز ہے۔