کراچی میں پی ٹی آئی کی ریلی، شرکاء کی پولیس سے آنکھ مچولی

کراچی میں بانی تحریک انصاف (پی ٹی آئی) عمران خان کی رہائی کےلیے ریلی نکالی گئی۔

ریلی کے دوران مختلف مقامات پر پولیس اور ریلی کے شرکاء میں آنکھ مچولی دیکھنے میں آئی۔

سڑک بلاک کرنے کے الزام میں 23 کارکن گرفتار کرلیے گئے جبکہ کراچی کی مصروف ترین شاہراہ فیصل کا ایک ٹریک دو گھنٹے کےلیے بند رہا۔

کراچی میں ہم سے مینڈیٹ چھین کر ایم کیو ایم کو تھمایا گیا، شیر افضل مروت

پاکستان تحریک انصاف (پی ٹی آئی) کے مرکزی رہنما شیر افضل مروت نے کہا ہے کہ کراچی میں ہم سے مینڈیٹ چھین کر متحدہ قومی موومنٹ (ایم کیو ایم) کو تھمادیا گیا۔

پولیس سے مذاکرات کے بعد ریلی شہید ملت روڈ سے ہوتی ہوئی مزارقائد پر پہنچ کر ختم ہوگئی۔

ریلی سے خطاب میں رہنما پی ٹی آئی شیر افضل مروت نے کہا کہ کراچی میں پی ٹی آئی کا مینڈیٹ چوری کرکے ایم کیو ایم کو دیا گیا، بانی پی ٹی آئی کی رہائی تک احتجاج جاری رہے گا۔