شیر افضل مروت کا چیئرمین پبلک اکاؤنٹس کمیٹی سے متعلق سوال پر جواب

پاکستان تحریک انصاف (پی ٹی آئی) کے رہنما شیر افضل مروت کا چیئرمین پبلک اکاؤنٹس کمیٹی سے متعلق سوال پر جواب سامنے آگیا۔

 جیو نیوز سے گفتگو کے دوران  شیر افضل مروت سے چیئرمین پبلک اکاؤنٹس بنائے جانے سے متعلق سوال کیا گیا تو اُن کا کہنا تھا کہ پبلک اکاؤنٹس کمیٹی پر دنیا موقوف نہیں، دنیا میں اور بہت سی چیزیں ہیں۔

پارٹی نے حامد خان کو چیئرمین پی اے سی تجویز کیا، لطیف کھوسہ

لطیف کھوسہ نے کہا کہ حکومت کا رویہ آپ نے دیکھا اس کے بعد نیا نام آیا ہے، حامد خان کو زیادہ مناسب سمجھا گیا اس لیے نام دیا گیا۔

 شیر افضل مروت سے پوچھا گیا کہ کیا حامد رضا پبلک اکاؤنٹس کمیٹی کے سربراہ ہوں گے؟ تو رہنما پی ٹی آئی کا کہنا تھا کہ اُن کے خیال ہے ایسا نہیں ہے۔

پی ٹی آئی رہنما نے کہا کہ چیئرمین نے پارلیمانی کمیٹی میٹنگ میں اس کا اعلان کیا تھا۔

شیر افضل مروت سے یہ بھی سوال کیا گیا کہ ان کی خواجہ آصف سے ملاقات کیسی رہی؟، جس پر انہوں نے کہا کہ ملاقاتیں سب سے ہوتی رہتی ہیں، سب کو سلام دعا کرتے ہیں۔