آئین کے اندر ڈپٹی وزیر اعظم کا کوئی عہدہ نہیں، بیرسٹر گوہرخان

29 اپریل ، 2024

چیئرمین پی ٹی آئی بیرسٹر گوہرخان نے کہا ہے کہ آئین کے اندر ڈپٹی وزیر اعظم کا کوئی عہدہ نہیں، یہ عہدہ زرداری نے بنایا تھا، اس سےمتعلق قانون میں کچھ نہیں۔

چیئرمین پی ٹی آئی بیرسٹر گوہرخان نے اسلام آباد میں سیشن کورٹ کے باہر میڈیا سے گفتگو کرتے ہوئے کہا کہ ہم پہلے سےکہہ رہےہیں کہ یہ عہدے اپنے رشتہ داروں میں بانٹ رہے ہیں۔

بیرسٹر گوہر نے کہا کہ جتنے بھی ادارے ہیں انہیں خود کو بدلناہوگا، اس سے عدالت کے بنیادی حقوق کا تحفظ ہوگا، جرم کرنےوالے کو سزا ملنی چاہیے۔

انہوں نے کہا کہ ہم اپنے حقوق کیلئےنکلےاور ان کےخلاف بولے تو مقدمات درج کرلیےجاتےہیں، انہوں نےہمارےخلاف جتنی بھی کارروائیاں کیں وہ سب عدالتوں سےختم ہوں گی۔

انہوں نے مزید کہا کہ ہم عوام کے حقوق کے لیے آواز اٹھانے کے لیے ہی اسمبلی میں بیٹھے ہیں، ابھی تک ان سے مذاکرات کا کوئی ارادہ نہیں ہے۔

قومی خبریں سے مزید