موٹروے پر پولیس کے ساتھ تلخ کلامی، خاتون کیخلاف مقدمہ درج

موٹر وے پولیس کے ساتھ تلخ کلامی کے واقعے کا مقدمہ موٹر وے پولیس انسپکٹر کی مدعیت میں تھانہ کلرکہار میں خاتون کے خلاف مقدمہ درج کر لیا گیا۔

مقدمے کے متن کے مطابق سالٹ رینج پر 80 کلو میٹر فی گھنٹہ کی رفتار ہونے پر گاڑی کو روکا گیا، خاتون کی جانب سے موٹر وے پولیس اہلکاروں پر ہراساں کرنے کا الزام لگایا گیا۔

خاتون نے دستاویزات فراہم کرنے کے بجائے اہم شاہراہ کو بلاک کر دیا، خاتون گاڑی میں موجود ڈرائیور کو بھی اکساتی رہیں کہ دستاویزات نہ دی جائے۔

خاتون کی موٹروے پولیس کے ساتھ بدتمیزی کی ویڈیو وائرل

موٹروے پر ایک اور خاتون کی مبینہ طور پر قانون کی خلاف اور پولیس سے بدتمیزی کا واقعہ سامنے آ گیا، موٹروے پولیس نے خاتون کی جانب سے کی گئی زیادتی کی ویڈیو وائرل کر دی۔

مقدمے کے متن میں کہا گیا ہے کہ خاتون کی جانب سے کار سرکار میں مداخلت کی گئی، سنگین نتائج کی دھمکیاں دی گئیں، خاتون بغیر اجازت ویڈوی بنانے اور باوردی پولیس اہلکاروں کی توہین کی مرتکب ہوئیں۔

خاتون کی کار کو اوور اسپیڈنگ پر موٹر وے پولیس نے کلر کہار کے قریب روکا تھا۔

واضح رہے کہ چند دن پہلے بھی ایک خاتون نے موٹر وے پر ایک پٹرولنگ افسر پر گاڑی چڑھانے کی کوشش کی تھی۔