• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میر پور خاص: گندے پانی میں پولیو وائرس ہونے کا انکشاف

تازہ ترین
صحت
05 مئی ، 2024
میر پور خاص سے پولیو وائرس کا پہلا مثبت نمونہ سامنے آگیا: فائل فوٹو
میر پور خاص سے پولیو وائرس کا پہلا مثبت نمونہ سامنے آگیا: فائل فوٹو

صوبۂ سندھ کے شہر میر پور خاص  کے گندے پانی میں پولیو وائرس ہونے کا انکشاف ہوا ہے۔

سندھ کے محکمۂ صحت کا کہنا ہے کہ 2 اپریل کو میر پور خاص کے نکاسیٔ آب کے نالے سے پانی کے سیمپل نیشنل انسٹیٹیوٹ آف اسلام آباد جانچ کے لیے بھیجے گئے تھے۔

محکمۂ صحت سندھ نے بتایا ہے کہ یہ سیمپل رنگ روڈ پر پران نامی نکاسیٔ آب کے نالے سے لیا گیا تھا، جس میں اس سال ضلع میں پولیو وائرس کا پہلا مثبت نمونہ سامنے آیا ہے۔

ڈی ایچ او ڈاکٹر جے رام کا کہنا ہے کہ ضلع پولیو سے پاک ہے، پولیو سے متعلق ماحولیاتی معائنہ چلتا رہتا ہے۔ 

انہوں نے یہ بھی بتایا کہ میرپور خاص کے گندے پانی میں پایا جانے والا وائرس کراچی میں ملنے والے نمونے سے ملتا جلتا ہے۔

صحت سے مزید