آزاد کشمیر، جنگلات میں آگ سے قیمتی لکڑی اور جنگلی حیات کو نقصان

آزاد کشمیر کی وادی سماہنی کے جنگلات میں آگ لگنے سے قیمتی لکڑی اور جنگلی حیات کو شدید نقصان پہنچا ہے۔

محکمہ جنگلات کے ملازمین اور مقامی نوجوان آگ بجھانے میں مصروف ہیں۔

دوسری جانب کوہلو کے علاقے نیصوبہ کچ میں کیکر کے جنگلات میں بھی آگ لگ گئی۔

لیویز اور ریسکیو اہلکار آگ بجھانےکے لیے متاثرہ علاقے کی جانب روانہ ہوگئے ہیں۔

ادھر اسلام آباد کی مرگلہ ہلز کے جنگل میں لگی آگ پر مکمل طور پر قابو پالیا گیا ہے۔

ترجمان کیپٹل ڈیولپمنٹ اتھارٹی (سی ڈی اے) نے مرگلہ کی پہاڑیوں پر لگی آگ پر مکمل قابو پانے کی تصدیق کی۔

ترجمان نے مزید کہا کہ مارگلہ کی پہاڑیوں پر 3 مختلف مقامات پر آگ لگی تھی، تیز ہوا اور موسم کی خرابی کے باعث آگ پر قابو پانے میں مشکلات پیش آئیں۔