سوناکشی اور ظہیر کی رسمِ مہندی سے پہلی تصویر سامنے آگئی

بالی ووڈ کی دبنگ اداکارہ سوناکشی سنہا اور اداکار ظہیر اقبال کی شادی کی تقریبات کا آغاز ہو گیا ہیں۔

شادی کے سلسلے میں منعقد ہونے والی رسمِ مہندی کی پہلی تصویری جھلکیاں سوشل میڈیا کی زینت بن گئیں۔

بھارتی میڈیا کے مطابق سوناکشی اور ظہیر اقبال اپنی شادی کو لائم لائٹ سے دور رکھنا چاہتے تھے لیکن ان کے دوستوں نے ان کا بھانڈا پھوڑ دیا۔

سوناکشی اور ظہیر اقبال کی ہلدی و مہندی میں شرکت کرنے والے ان کے عزیز و اقارب، دوست احباب نے فوٹو اینڈ ویڈیو شیئرنگ پلیٹ فارم انسٹاگرام پر تقریب کی چند تصاویر شیئر کی ہیں۔

جعفر علی منشی نامی اس جوڑی کے ایک دوست نے اپنی انسٹاگرام اسٹوری میں تقریب کی چند تصاویر شیئر کی ہیں جبکہ فوٹو جرنلسٹ پالو پلیوال نے دولہے راجہ کی ایک ویڈیو شیئر کی ہے جس میں وہ مہندی کی تقریب میں شرکت سے قبل غیر روایتی لباس میں نظر آئے۔

سوشل میڈیا پر شیئر کی گئی اس تصویر میں دیکھا جاسکتا ہے کہ مہندی کی اس تقریب میں ہونے والی دلہن نے غیر روایتی انداز میں پیکش براؤن جوڑا جبکہ کل گھوڑی چڑھنے والے دولہے راجہ نے پیکش براؤن اور سفید کرتہ پاجامہ زیب تن کیا ہے۔

اس کے علاوہ تقریب میں شرکت کرنے والے دیگر افراد بھی کھلتے ہوئے رنگوں کا انتخاب کیا جبکہ گھر کو گیندے کے پیلے ، نارنجی اور سفید پھولوں سے روایتی انداز میں سجایا ہے۔