فرمان الہی
نماز کے اوقات
وفاقی وزیر منصوبہ بندی احسن اقبال کا کہنا ہے کہ جنرل (ر) باجوہ کے ساتھ نواز شریف کی کوئی ملاقات نہیں ہوئی، محمد زبیر کے بیان کی تردید ہوچکی ہے۔
پارلیمنٹ ہاؤس میں میڈیا سے گفتگو کرتے ہوئے وفاقی وزیر احسن اقبال نے کہا کہ پیپلز پارٹی ن لیگ کی اتحادی جماعت ہے، آئین اور جمہوریت مضبوط کرنے کے لیے مفاہمت اور تعاون کی فضا کو برقرار رکھنا ہے، پیپلز پارٹی کی قیادت کو ان چیلنجوں کا احساس ہے جن کا ملک سامنا کر رہا ہے۔
احسن اقبال نے کہا کہ کسی بھی اتحاد کے اندر چھوٹی موٹی شکایات پیدا ہوتی رہتی ہیں، کوئی ایسا مسئلہ نہیں جس سے ن لیگ اور پی پی کے اتحاد کو خطرہ ہو، جو بھی ان کے تحفظات ہوں ان کو بڑے اچھے طریقے سے حل کیا جاتا ہے۔
انہوں نے کہا کہ ہم ان شاء اللّٰہ اس اتحاد کو کامیابی سے آگے چلائیں گے، وزیراعظم نے ایک کمیٹی قائم کی ہے جس کا ایک اجلاس ہوگیا ہے، جو بھی اچھا ورکنگ ریلیشن پنجاب کی حد تک ہے وہ بھی ہوگا، سندھ میں بھی دونوں جماعتوں کے مابین اچھا ورکنگ ریلیشن شپ ہوگا۔
