• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میری ٹائم ڈومین میں ابھرتے چیلنجز سے نمٹنے کیلئے جدت اور بنیادی اقدار کا امتزاج ضروری ہے، نیول چیف

تازہ ترین
قومی خبریں
28 جون ، 2024
تصویر سوشل میڈیا۔
تصویر سوشل میڈیا۔

چیف آف دی نیول اسٹاف ایڈمرل نوید اشرف نے کہا ہے کہ میری ٹائم ڈومین میں ابھرتے چیلنجز سے نبرد آزما ہونے کیلئے جدت اور بنیادی اقدار کا امتزاج ضروری ہے۔ 

نیول چیف ان خیالات کا اظہار وار کالج لاہور میں 53ویں پی این اسٹاف کورس کے شرکا سے خطاب کے دوران کیا۔ 

انھوں نے کہا کہ پاکستان نیوی وار کالج عصرحاضر کے تقاضوں کے مطابق معیاری تعلیم فراہم کر رہا ہے۔ 

ایڈمرل نوید اشرف کا مزید کہنا تھا کہ پاکستان نیوی وار کالج پیشہ ورانہ تربیت سے بہترین افرادی قوت تیار کر رہا ہے۔ کورس کے شرکا نے بحری جنگ میں مصنوعی ذہانت کے استعمال پر تحقیقی مقالہ پیش کیا۔ 

چیف آف دی نیول اسٹاف نے کورس کے شرکا کی تحقیق اور پیش کی گئی تجاویز کو سراہا۔

قومی خبریں سے مزید