بلوچستان میں دو بھیڑیے مار دیے گئے، ڈی سی خضدار کارروائی کریں، ڈبلیو ڈبلیو ایف پاکستان

دو تیندوے مارنے کے بعد بلوچستان میں جنگلی حیات کو نقصان پہنچانے کا ایک اور واقعہ سامنے آگیا۔ 

اس حوالے سے سوشل میڈیا پر زیرگردش ویڈیو کے مطابق خضدار کے پہاڑوں میں مقامی افراد نے دو بھیڑیے مار دیے۔ 

ذرائع کے مطابق چند پیسوں کےلیے کھال کے حصول کی خاطر علاقے کے لوگوں نے بھیڑیے مارے۔ 

ڈیرہ بگٹی: سوئی میں نایاب نسل کے تیندوے کو ہلاک کردیا گیا

بلوچستان میں ڈیرہ بگٹی کے علاقے سوئی میں نایاب نسل کے تیندوے کو ہلاک کردیا گیا۔

ورلڈ وائیلڈ فنڈ فار نیچر (ڈبلیو ڈبلیو ایف) پاکستان کے تکنیکی مشیر معظم خان کے مطابق ترندین کے پہاڑوں میں بھیڑیے کو علاقے کے لوگوں نے مارا۔ 

معظم خان کے مطابق بھیڑیوں کو مار کر ان کی کھال اتاری گئی، مقامی لوگوں نے ملزمان کی نشاندہی کردی۔ 

معظم خان  نے کہا کہ ڈپٹی کمشنر خضدار جانوروں کی نسل کشی میں ملوث افراد کیخلاف فوری کارروائی کریں۔