آزاد کشمیر کی جیل سے فرار مزید 2 قیدی پکڑے گئے

آزاد کشمیر کے ضلع پونچھ کی ڈسٹر کٹ جیل راولاکوٹ سے فرار ہونے والے مزید 2 قیدی پکڑے گئے، جس کے بعد گرفتار ہونے والے قیدیوں کی تعداد 6 ہو گئی۔

ایس ایس پی کے مطابق ملزمان کو راولپنڈی جاتے ہوئے پکڑا گیا۔

پولیس کا کہنا ہے کہ راولا کوٹ جیل سے فرار 19 فرار قیدیوں میں سے اب تک 6 کو گرفتار کیا جا چکا ہے جبکہ دیگر کی تلاش جاری ہے۔ 

راولاکوٹ جیل سے قیدیوں کے فرار پر آئی جی جیل کو عہدے سے ہٹا دیا گیا

ڈسٹرکٹ جیل راولاکوٹ سے 19 قیدیوں کے فرار پر انسپکٹرجنرل جیل خانہ جات کو عہدے سے ہٹادیا گیا ہے۔

واضح رہے کہ 30 جون کو آزاد کشمیر کے ضلع پونچھ کی ڈسٹر کٹ جیل راولا کوٹ توڑ دی گئی تھی، بھارت کو مطلوب سمیت 20 قیدی فرار ہوئے تھے جن میں سے 1 ہلاک ہو گیا تھا۔

واقعے کے بعد راولا کوٹ جیل کے عملے کو معطل کر دیا گیا تھا، 3 اہلکاروں کو حراست میں لے لیا گیا تھا اور جیل کا انتظام پولیس نے سنبھال لیا تھا۔