بلوائیوں کے حامی خیبرپختونخوا پولیس کے 6 اہلکار ڈی چوک سے گرفتارکیے ہیں، اسلام آباد پولیس

اسلام آباد پولیس نے خیبر پختونخوا پولیس کے سول کپڑوں میں موجود 6 اہلکاروں کو ڈی چوک سے گرفتار کرلیا۔

پولیس ذرائع کے مطابق پولیس اہلکار بلوائیوں کے ساتھ قانون نافذ کرنے والے اداروں پر حملوں میں شامل تھے، گرفتار اہلکار آنسو گیس، غلیلوں، پتھروں سے قانون نافذ کرنے والے اداروں پر حملے کر رہے تھے۔

علی امین گنڈاپور کی گرفتاری کی خبریں بے بنیاد افواہیں ہیں، ذرائع وزارت داخلہ

وزارت داخلہ کے ذرائع نے وزیراعلیٰ خیبرپختونخوا علی امین گنڈاپور سے متعلق گرفتاری اور حراست میں لیے جانے کی خبروں کو بے بنیاد افواہیں قرار دیا ہے۔

پولیس ذرائع کے مطابق کے پی پولیس کے دیگر 5 اہلکاروں کو اٹک کے نزدیک سے گرفتار کیا گیا، جن میں سے 2 کا تعلق سی ٹی ڈی اور 3 کے پی پولیس کے ہیں۔

ذرائع کے مطابق قانون نافذ کرنے والے اداروں نے سول کپڑوں میں ملبوس اہلکاروں کو پولیس گاڑیوں میں بھاگتے ہوئے پکڑا۔

پولیس ذرائع کے مطابق ان 5 کے پی پولیس اہلکاروں سے بھی آنسو گیس شیل، بنٹے اور پتھر برآمد ہوئے ہیں۔