اللّٰہ کے فضل اور حکومت کے مؤثر اقدامات سے یوم عاشور پُرامن رہا، محسن نقوی

وفاقی وزیر داخلہ محسن نقوی نے یوم عاشور پر ملک بھر میں فول پروف سیکیورٹی انتظامات پر پولیس، انتظامیہ اور قانون نافذ کرنے والے اداروں کی کارکردگی کو سراہا۔

اپنے بیان میں محسن نقوی نے کہا کہ اللّٰہ کے فضل و کرم اور حکومت کے مؤثر اقدامات سے یوم عاشور پُرامن رہا۔

وزیر داخلہ نے کہا کہ پولیس اور انتظامیہ نے احسن طریقے سے ذمہ داری ادا کی۔ مجالس اور جلوسوں کی سیکیورٹی کےلیے پوری ٹیم نے جانفشانی سے فرائض سر انجام دیے۔