فرمان الہی
نماز کے اوقات
وزیر اعلیٰ خیبر پختونخوا علی امین گنڈا پور نے کہا ہے کہ بنوں معاملے پر بنوں کے مشران سمیت سب کا شکر گزار ہوں۔ سب نے انتظامیہ کے ساتھ بیٹھ کر بات چیت سے معاملہ حل کیا۔ مسلح عناصر جہاں بھی ملیں فوری گرفتار کیا جائے۔
پشاور سے اپنے بیان میں وزیر اعلیٰ کے پی نے کہا کہ علاقہ مشران نے معاملے پر کمیٹی بنائی ہے۔ کمیٹی کل مجھ سے مل کر معاملے پر بات کرے گی۔
علی امین گنڈاپور نے کہا کہ ہم عوام کے تحفظات دور کریں گے، ان کی توقعات پر پورا اتریں گے۔ مسلح عناصر جہاں کہیں بھی ملیں انہیں فوری گرفتار کیا جائے۔
وزیر اعلیٰ کا کہنا تھا کہ پولیس ایسے عناصر کے خلاف سخت کارروائی کرے، انکے ٹھکانے خالی کروائے۔
علی امین گنڈاپور نے کہا کہ دہشت گردی کے خلاف جنگ میں فوج، پولیس اور عوام نے بےمثال قربانیاں دی ہیں۔ سب کو مل کر دہشتگردی کا مقابلہ کر کے امن قائم کرنا ہے۔
انہوں نے کہا کہ ہماری حکومت بننے کے بعد پہلی ایپکس کمیٹی اجلاس میں واضح کر دیا تھا کچھ مسلح لوگ سرکاری اہلکار بن کر گھوم رہے ہیں، یہ مسلح افراد خود کو سرکاری ادارے سے منسلک بتاتے ہیں۔
