جرمنی میں پاکستانی سفارتخانے پر حملے کیخلاف وفاقی کابینہ کی ’حرمت پرچم‘ مہم

جرمنی میں پاکستانی سفارتخانے پر مظاہرین کے حملے اور قومی پرچم اتارنے کے واقعے کے خلاف وفاقی کابینہ کے ارکان کی جانب سے ”حرمت پرچم“ مہم شروع کردی گئی۔

وفاقی وزراء نے پاکستانی پرچم کے ہمراہ تصاویر سوشل میڈیا پر جاری کی ہیں اور قومی پرچم سے والہانہ محبت کے پیغامات بھی تحریر کیے ہیں۔

نائب وزیراعظم اسحاق ڈار، وفاقی وزراء اویس لغاری، عبدالعلیم خان، رانا تنویر اور عطا تارڑ سمیت دیگر وزرا نے قومی پرچم کے ہمراہ تصاویر جاری کی ہیں۔

مصدق ملک، علی پرویز ملک، جام کمال نے قومی پرچم اور ’پاکستان زندہ باد‘ کے پیغام کے ساتھ تصاویر جاری کی ہیں۔

جرمنی میں افغان شہریوں کا پاکستانی قونصل خانے پر پتھراؤ

جرمنی کے شہر فرینکفرٹ میں افغان شہریوں نے پاکستانی قونصل خانے پر پتھراؤ کیا۔

واضح رہے کہ گزشتہ ہفتے جرمنی کے شہر فرینکفرٹ میں پاکستانی قونصل جنرل کے باہر افغان باشندوں نے ہنگامہ آرائی اور پتھراؤ کیا تھا۔

افغان باشندوں نے اس دوران پاکستانی پرچم بھی اتار دیا تھا۔