جماعت اسلامی کےالیکٹرک بیچنے سے متعلق متحدہ پر الزام کا ثبوت دے، مصطفیٰ کمال

رہنما متحدہ قومی موومنٹ (ایم کیو ایم) پاکستان مصطفیٰ کمال نے جماعت اسلامی سے متحدہ پر لگائے گئے الزامات کے ثبوت مانگ لیے۔ 

کراچی میں میڈیا سے گفتگو کرتے ہوئے رہنما ایم کیو ایم پاکستان نے جماعت اسلامی کو چیلنج کیا ہے کہ وہ کےالیکٹرک بیچنے کے حوالے سے متحدہ پر لگائے گئے اپنے الزام کے ثبوت پیش کریں۔

پاکستان میں ضرورت سے زیادہ بجلی موجود ہے، مصطفیٰ کمال

متحدہ قومی موومنٹ (ایم کیو ایم) پاکستان کے رہنما مصطفیٰ کمال نے کہا ہے کہ پاکستان میں ضرورت سے زیادہ بجلی موجود ہے، کمپنیوں کو بجلی نہ بنانے کے پیسے دیے جا رہے ہیں۔

علاوہ ازیں انہوں نے یہ بھی کہا کہ آئی پی پیز کے معاملے پر ان کی جلد وزیراعظم شہباز شریف سے ملاقات متوقع ہے۔

رہنما ایم کیو ایم پاکستان کا کہنا تھا کہ پاکستان کی معیشت آئی پی پیز کا معاملہ حل کیے بغیر صحیح نہیں ہوسکتی، آئی پی پیز کے معاملے پر سب کو ساتھ بٹھا کر مسئلہ حل کرسکتے ہیں۔