فرمان الہی
نماز کے اوقات
پاک بحریہ کے جہازوں نے خلیج عرب میں تعیناتی کے دوران کویت اور عراق کا دورہ کیا۔
آئی ایس پی آر کے مطابق پی این ایس رسدگار اور پی این ایس عظمت نے کویت کی بندرگاہ الشویخ کا دورہ کیا جبکہ پاکستان میری ٹائم سیکیورٹی ایجنسی کے جہاز’دشت‘ نےعراق کی بندرگاہ ام قصر کا دورہ کیا۔
آئی ایس پی آر کے مطابق بندرگاہوں پر آمد کے موقع پر پاکستانی سفارتی اور میزبان بحریہ کے اعلیٰ حکام نے جہازوں کا استقبال کیا۔
آئی ایس پی آر کے مطابق مشن کمانڈر نے جہازوں کے کمانڈنگ افسران کے ہمراہ دونوں ممالک کی بحری قیادت سے ملاقاتیں کیں۔
ان ملاقاتوں میں باہمی دلچسپی کے امور، میری ٹائم سیکیورٹی میں تعاون اور بحری افواج کے درمیان رابطے پر تبادلہ خیال کیا گیا۔
آئی ایس پی آر کے مطابق کویتی اور عراقی بحریہ کے جہازوں کے ساتھ بحری مشقیں بھی کی گئیں جن کا مقصد بحری افواج کے درمیان باہمی تعاون کو بہتر بنانے اور مشترکہ آپریشنز کی صلاحیت کو فروغ دینا تھا۔
آئی ایس پی آر کے مطابق پاک بحریہ کے فلوٹیلا کا کویت اور عراق کا دورہ موجودہ سفارتی اور بحری تعلقات کو مزید فروغ دے گا۔
