• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

100لفظوں کی کہانی

مبشر علی زیدی
آج کا اخبار
ادارتی صفحہ
02 اگست ، 2024

نرخ نامہ 

پانچ ہزار، سرکاری کلرک نے مطالبہ کیا۔

میرے کاغذات پورے ہیں، میں نے احتجاج کیا۔

نہ ہوتے تو دس مانگتا، کلرک مسکرایا۔

لیکن آپ کے ڈی جی رشوت کے سخت خلاف ہیں، میں نے یاد دلایا۔

اچھا؟ اب 15 ہزار دینا پڑیں گے، کلرک کی آواز نیچی ہوگئی۔

منسٹر صاحب رشوت کیخلاف مہم چلا رہے ہیں،

میں نے ایک اور کوشش کی۔

بیس ہزار، کلرک نے دائیں بائیں دیکھ کر کہا۔

کل عدالت نے بھی اس بارے میں حکم دیا ہے،

میں نے آخری پتا کھیلا۔

کلرک نے ٹھنڈا سانس لیا۔

پھر میرے کان میں سرگوشی کی،

پچیس ہزار۔

تازہ ترین