گورنر سندھ کا جماعت اسلامی کے دھرنا مظاہرین کو دوپہر میں کھانا پیش کرنے کا اعلان

گورنر سندھ کامران ٹیسوری نے جماعت اسلامی کے دھرنا مظاہرین کو دوپہر میں کھانا پیش کرنے کا اعلان کر دیا۔

اس حوالے سے کامران ٹیسوری کا کہنا ہے کہ جماعت اسلامی کے دھرنا مظاہرین کی بریانی سے تواضع کی جائے گی۔

کامران ٹیسوری نے کہا کہ عوام کے ٹیکس سے نہیں ذاتی رقم سے دھرنا مظاہرین کی خدمت کر رہا ہوں، دھرنا مظاہرین میرے مہمان اور سندھ کے باسی ہیں، خدمت میرا فرض ہے۔

جماعت اسلامی والے دھرنا دینے کے بجائے گورنر ہاؤس کے اندر تشریف لائیں، گورنر سندھ

کراچی میں میڈیا سے گفتگو کرتے ہوئے گورنر سندھ نے کہا کہ اگر جماعت اسلامی والے یہاں آنا چاہتے ہیں تو انہیں ویلکم کہتے ہیں۔

انہوں نے کہا کہ دھرنے میں شریک نوجوان خود کو گورنر آئی ٹی کورسز میں رجسٹر کرائیں، پاکستان کو دنیا کی طاقت بنانا ہے تو مظاہرے نہیں ٹیکنالوجی سیکھیں۔

گورنر سندھ کا کہنا ہے کہ دھرنے کے سبب جو کام پر نہیں جاسکتے، وہ اہل خانہ کے لیے مفت راشن بھی لیں۔

واضح رہے کہ گورنر سندھ کی جانب سے دھرنا مظاہرین کو ناشتے میں پراٹھے اور چائے پیش کی گئی تھی۔