جنوبی وزیرستان: ایڈیشنل ایس ایچ او کی گاڑی پر آئی ای ڈی حملہ

جنوبی وزیرستان لوئر میں انگور اڈا سٹہ خلہ کے مقام پر ایڈیشنل ایس ایچ او کی گاڑی کو آئی ای ڈی کے دھماکے کا نشانہ بنایا گیا ہے۔

پولیس کے مطابق ایڈیشنل ایس ایچ او دھماکے میں محفوظ رہے۔

ایڈیشنل ایس ایچ او انگور اڈا سے وانا آ رہے تھے، دھماکے کے بعد مسلح افراد نے فائرنگ بھی کی۔

پولیس کا کہنا ہے کہ فائرنگ کے بعد علاقے میں سرچ آپریشن جاری ہے۔