مودی کے دیس بھارت میں اقلیتیں غیرمحفوظ ہیں، صدر آصف علی زرداری

صدرِ مملکت آصف علی زرداری نے کہا ہے کہ مودی کے دیس بھارت میں اقلیتیں غیرمحفوظ ہیں۔

اقلیتوں کے عالمی دن پر پیغام جاری کرتے ہوئے آصف علی زرداری نے کہا کہ پاکستان ہمارا ملک ہے، مل کر اس کو مضبوط بنانا ہے، اقلیتوں کی ترقی و بہبود کے لیے بھرپور کردار ادا کریں گے۔

انہوں نے کہا کہ اقلیتوں کا دن منانے کا مقصد پاکستان کی سماجی اور معاشی ترقی میں ان کی خدمت کا اعتراف کرنا ہے۔

انتہا پسند ہندو تنظیم رکشادل کا مسلمانوں پر تشدد، جھونپڑیاں نَذر آتش

اتر پردیش کے علاقے غازی آباد میں انتہا پسند ہندو تنظیم رکشادل نے مسلمانوں پر بنگلادیشی تارکینِ وطن کا الزام عائد کرکے ان کی جھونپڑیوں کا آگ لگا دی۔

آصف علی زرداری کا کہنا ہے کہ اقلیتوں کا ملازمتوں میں 5 فیصد کوٹہ مختص ہے، سندھ کی دھرتی کے لوگ دنیا کا درد اپنے دل میں رکھتے ہیں۔

صدرِ مملکت نے کہا کہ ہم ماضی میں کسی اور کی جنگ کا حصہ بنے، جس سے ریاست کو نقصان پہنچا۔