اینڈرائیڈ فون کا ڈیٹا چوروں سے محفوظ رکھنے کیلئے نیا فیچر جلد آ رہا ہے

گوگل نے اینڈرائیڈ فون کے ڈیٹا کو چوروں سے محفوظ رکھنے کے لیے نیا فیچر متعارف کروانے کی تیاری شروع کر دی۔

اسمارٹ فون ایک طرف تو ہمارے روزمرہ کے کاموں میں ہماری مدد کر کے ہماری زندگیوں کو آسان بناتا ہےلیکن دوسری طرف موبائل چِھن جانے کی صورت میں اس میں موجود ہمارا قیمتی ڈیٹا چوری ہونے کا خطرہ بھی ہوتا ہے۔

گوگل اینڈرائیڈ فون استعمال کرنے والے صارفین کی اس پریشانی کو دور کرنے کے لیے ایک نیا فیچر ’تھیف ڈیٹیکشن لاک‘ متعارف کروانے جا رہا ہے۔

چوری ہوئے موبائل کو چوروں کیلئے ناقابل استعمال بنانے کا طریقہ

جب بھی کسی شخص کا فون چوری ہوجائے یا چھن جائے تو اس کی خواہش ہوتی ہے کہ کسی طرح اس کا فون چوروں کے لیے کسی طرح ناقابل استعمال یا بیکار ہو جائے اور یوں اسے اپنا کھویا ہوا فون واپس مل جائے۔

یہ فیچر رواں سال کے آخر میں گوگل پلے سروسز اپ ڈیٹس کے ذریعے اینڈرائیڈ 10پلس اور اس کے بعد کے آپریٹنگ سسٹمز پر چلنے والی ڈیوائسز کے لیے متعارف کروایا جائے گا۔

اس فیچر کو بنانے کے لیے آرٹیفیشل انٹیلیجنس (اے آئی) ٹیکنالوجی پر مبنی الگورتھمز کا استعمال کیا جائے گا۔

اس لیے جیسے ہی کوئی کسی کے ہاتھ سے موبائل چھینے گا تو یہ فیچر خود ہی متحرک ہو جائے گا اور موبائل کو لاک کر دے گا، جس کے بعد چور موبائل میں موجود ڈیٹا تک رسائی حاصل نہیں کر سکے گا۔