ایران بس حادثے کے شہداء کی میتیں لیکر ایئر فورس کا طیارہ پاکستان روانہ

ایران بس حادثے میں جاں بحق افراد کی میتیں لے کر ایئر فورس کا سی ون 30 طیارہ پاکستان روانہ ہوگیا۔

سفارتی ذرائع کا کہنا ہے کہ بس حادثے کے شہداء کی میتیں ایران سے پاکستان روانہ کردی گئیں، میتیں لے کر آنے والے سی 130 جہاز نے پاکستانی وقت کے مطابق 6 بجے اڑان بھری، طیارہ رات 10 بجے کے قریب جیکب آباد پہنچے گا۔

زائرین کی میتوں کی وطن روانگی سے قبل یزد ہوائی اڈے پر تعزیتی تقریب ہوئی، تقریب میں یزد کے گورنر، مقامی حکام اور پاکستانی سفارتخانے کے حکام نے  شرکت کی۔

ایران میں پاکستانی زائرین کی بس کے حادثے کی سی سی ٹی وی فوٹیج آگئی

اس سی سی ٹی وی ویڈیو میں بے قابو بس کو انتہائی تیز رفتاری سے فٹ پاتھ پر چڑھنے کے بعد الٹتے ہوئے دیکھا جاسکتا ہے۔

 ذرائع کا کہنا ہے کہ میتیں رات 10 سے 11 بجے کے درمیان ورثاء کے حوالے کیے جانے کا امکان ہے، میتوں کے ہمراہ کچھ زخمی بھی پاکستان پہنچ رہے ہیں۔

 ایمبولینسوں کے ذریعے میتیں آبائی علاقوں میں روانہ کی جائیں گی، زخمیوں کو ایئر ایمبولینس میں کراچی منتقل کیا جائے گا۔

ایران میں پاکستانی زائرین کی بس کو حادثہ، جاں بحق افراد کا تعلق لاڑکانہ سے ہے

ایران میں زائرین کی بس حادثہ میں جاں بحق افراد میں سے زیادہ تر کا تعلق لاڑکانہ، خیرپور اور کشمور سے ہے، حادثہ میں 16 افراد کی حالت تشویشناک ہے۔

یاد رہے کہ پاکستان سے ایران روانہ ہونے والی زائرین کی بس کو گزشتہ دنوں حادثہ پیش آیا تھا، جس میں 51 افراد سوار تھے، حادثے میں 28 زائرین جاں بحق اور 23 زخمی ہوئے، 14 زائرین کی حالت تشویشناک ہے، زائرین میں سے زیادہ تر کا تعلق لاڑکانہ سے ہے۔

 وزیراعلیٰ سندھ نے ایران حادثے میں شہید اور زخمی ہونے والوں کے خاندانوں کی مالی امداد کا اعلان کیا۔ 

شہداء کے ورثاء کو 50، 50 لاکھ اور زخمیوں کو 10، 10 لاکھ روپے دیے جائیں گے۔