فرمان الہی
نماز کے اوقات
شہدائے کربلا کا چہلم آج ملک اور دنیا بھر میں عقیدت و احترام سے منایا جا رہا ہے، مختلف علاقوں میں چہلم کے جلوس نکالے جائیں گے، سبیلیں لگائی گئی ہیں، علم، ذوالجناح، تعزیے برآمد کیے جائیں گے۔
اسلام آباد میں چہلم کا مرکزی جلوس اپنے مقررہ راستوں سے ہوتا ہوا امام بارگاہ اثنا عشری پر ختم ہو گیا۔
کراچی میں چہلم شہدائے کربلا کے جلوس کی سیکیورٹی کے لیے سخت انتظامات کیے گئے ہیں۔
جلوس کی گزرگاہوں کے اطراف کی سڑکیں اور گلیاں کنٹینرز رکھ کر بند کردیے گئے، شہر کے مختلف علاقوں میں رات سے ہی موبائل فون سروس بھی بند ہونا شروع ہوگئی۔
سندھ حکومت نے آج شہداء کربلا کے چہلم پر کراچی، حیدرآباد، لاڑکانہ، سکھر اور خیرپور سمیت سندھ کے بڑے شہروں میں موبائل فون سروس معطل رکھنے کا اعلان کیا ہے۔
امن وامان کی صورتحال کے پیش نظر سندھ بھر میں ریڈ الرٹ ہے، جلوسوں کی فضائی نگرانی کی جائے گی۔
دوسری جانب سندھ بھر میں موٹر سائیکل کی ڈبل سواری پر بھی پابندی عائد ہے۔
