بارش کے پیش نظر حکومت سندھ کی تیاریاں مکمل ہیں: شرجیل میمن

سندھ کے سینئر وزیر شرجیل میمن نے کہا ہے کہ بارش کے پیشِ نظر حکومتِ سندھ کی تیاریاں مکمل ہیں۔

کراچی میں میڈیا سے گفتگو کرتے ہوئے شرجیل میمن نے کہا کہ وزیرِ اعلیٰ ہاؤس میں رین ایمرجنسی سیل قائم ہے۔

انہوں نے کہا کہ سمندر میں طغیانی کا خدشہ ہے، ماہی گیر سمندر میں نہ جائیں۔

کراچی کے مختلف علاقوں میں صبح سویرے تیز بارش

کراچی کے مختلف علاقوں میں صبح سویرے تیز بارش ہوئی، جبکہ کچھ علاقوں میں ہلکی بارش کا سلسلہ جاری ہے۔

شرجیل میمن کا کہنا ہے کہ نکاسیٔ آب کے لیے ٹاؤنز کو ضروری مشینری دی ہے، کے ایم سی اور واٹر بورڈ کے نکاسیٔ آب کے سسٹم کو بہتر کیا ہے۔

واضح رہے کہ سندھ بھر میں آج سے 31 اگست تک شدید بارشوں کا امکان ہے۔