پاکستانیوں کی اکثریت جوائنٹ فیملی سسٹم کی حامی

اہل پاکستان کی اکثریت جوائنٹ فیملی سسٹم کی حامی ہے، 62 فیصد پاکستانیوں نے مشترکہ خاندانی نظام کو اہم قرار دیا ہے۔

گیلپ پاکستان نے سماجی رویوں پر نیا سروے جاری کردیا، جس کے مطابق 36 فیصد پاکستانی علیحدہ رہنے کو ترجیح دیتے ہیں۔

اعداد و شمار کے مطابق 62 فیصد پاکستانی جوائنٹ فیملی سسٹم کے حامی ہیں، جنہوں نے مشترکہ خاندانی نظام کو اہم کہا ہے۔

کیا مخالف سیاسی نظریات کے درمیان رشتے مشکل ہیں؟ دلچسپ سروے

کیا مخالف سیاسی نظریات رکھنے والے خاندانوںا ور ووٹرز میں کے درمیان رشتے مشکل ہیں؟

سروے میں 69 فیصد مردوں نے جوائنٹ فیملی سسٹم کی حمایت کی جبکہ خواتین میں یہ شرح 54 فیصد دکھائی دی۔

دوسری طرف اس کے برعکس علیحدہ رہنے کو 45 فیصد خواتین نے سپورٹ کیا جبکہ مردوں میں 29 فیصد نے اس کی حمایت کی۔

سروے نتائج کے مطابق دیہات کے مقابلے میں شہروں میں جوائنٹ فیملی سسٹم کو 4 فیصد زیادہ افراد کی حمایت ملی ہے۔

سروے میں 70 فیصد پاکستانیوں نے جوائنٹ فیملی سسٹم میں رہنے کا بھی بتایا جبکہ 30 فیصد نے علیحدہ رہنے کا کہا۔