انسداد دہشت گردی عدالت میں پولیس کی پی ٹی آئی رہنماؤں کے جسمانی ریمانڈ کی استدعا

انسداد دہشت گردی عدالت میں پولیس نے پاکستان تحریک انصاف (پی ٹی آئی) کے رہنما شیر افضل مروت، زین قریشی اور شیخ وقاص اکرم کے جسمانی ریمانڈ کی استدعا کر دی۔

پولیس نے احمد چٹھہ اور عامر ڈوگر کے جسمانی ریمانڈ کی بھی استدعا کی ہے۔ انسداد دہشت گردی کی عدالت کے جج ابوالحسنات ذوالقرنین کیس کی سماعت کی۔

شعیب شاہین کو جوڈیشل ریمانڈ پر جیل بھیج دیا گیا

دوسری جانب شیر افضل مروت، عامر ڈوگر، زین قریشی اور احمد چٹھہ کی جسمانی ریمانڈ کی استدعا پر فیصلہ محفوظ کرلیا گیا۔

شیر افضل مروت کا کہنا تھا کہ مقدمے کا پولیس کے پاس کوئی ایک گواہ موجودنہیں۔ آج معلوم ہوا پولیس اتنی گرسکتی ہے، آج صبح مقدمہ درج کیا۔

شیر افضل مروت نے کہا یہ قرآن پر حلف دے دیں کہ وقوعہ ہوا ہے۔ اگر ایک گواہ آکر کہہ دے تو اللّٰہ کی قسم میرا ریمانڈ دے دیں۔ 

شیر افضل مروت نے مزید کہا پورے اسلام آباد کو انتظامیہ نے بلاک کیا ہوا تھا۔ سڑکیں بند کرنے کی وجہ سے سنگجانی جلسہ تاخیر کا شکار ہوا۔

چیئرمین پی ٹی آئی بیرسٹر گوہر کو رہا کردیا گیا

چیئرمین پی ٹی آئی کو تھانہ سنگجانی مقدمے میں ڈسچارج کردیا گیا ہے، پولیس

انھوں نے کہا اسلام آباد پولیس کا بڑی بے دردی سے استعمال ہوا، جج اور وکیل رہا ہوں، میں پولیس پر پستول رکھوں گا  کیا؟

شیر افضل مروت کا مزید کہنا تھا کہ پی ٹی آئی کے کارکنوں کے گھر میں اسلام آباد پولیس نے چوری تک کی ہے۔ پراسیکیوشن کا پورا کیس محض زبانی الزامات پر مبنی ہے۔