فرمان الہی
نماز کے اوقات
جناح اسپتال کراچی کے زچہ بچہ وارڈ کے باہر خاتون بےہوشی کی حالت میں ملی، مریضہ کے پاس سے ملنے والی 50 لاکھ روپے کی رقم انتظامیہ کے پاس محفوظ ہے۔
اسپتال انتظامیہ کے مطابق خاتون ذیابطیس کی مریضہ ہے، جنہیں ایمرجنسی میں منتقل کر دیا گیا ہے۔
انتظامیہ کا کہنا ہے کہ خاتون کے پاس سے ملنے والی 50 لاکھ روپے کی رقم انتظامیہ کے پاس محفوظ ہے۔
دوسری جانب پولیس حکام کا کہنا ہے کہ خاتون کے پاس سے 26 لاکھ 90 ہزار روپے ملے تھے، 5 لاکھ روپے کے پرائز بانڈ اور سونے کے زیورات بھی خاتون سے ملے۔
پولیس کے کہنا ہے کہ خاتون ثنا اختر ملت گارڈن ملیر کی رہائشی ہے، شوہر اسپتال پہنچ گیا ہے، پولیس کو بیان میں اس نے بتایا کہ اہلیہ شوگر کی مریضہ اور ذہنی طور پر بھی ٹھیک نہیں۔
شوہر کا پولیس کو بیان مزید کہنا تھا کہ اہلیہ گزشتہ رات سے لاپتہ تھی تلاش کیا جارہا تھا، رقم بیٹی کی شادی کے لیے جمع کر رکھی ہے، جو اہلیہ اپنے ساتھ لے گئی تھی۔
پولیس کے مطابق تمام سامان خاتون کے شوہر کے حوالے کردیا گیا ہے، خاتون اسپتال میں زیر علاج ہے۔
