سرگودھا، مڈھ رانجھا، شاہ پور صدر، بھیرہ(نامہ نگاران) 11 وارداتوںمیں شہریوں کو لاکھوں کے مال و زر سے محروم کر دیا گیا چوری کرتا امام مسجد رنگے ہاتھوں گرفتار کر لیا گیا۔ تفصیلات کےمطابق شاہ پور کی احاطہ کچہری میں مسجد کا امام قاری شعیب کینٹین کے تالے توڑ کر سامان چوری کر رہا تھا کہ چوکیدار نے پکڑ لیا اور پولیس کے حوالے کر دیا۔ ڈاکوئوں نے سیٹلائٹ ٹائون کے حمزہ سلیم سے موبائل و نقدی، شاہ پور سٹی کے قریب رخسانہ پروین سے پرس، لوراں والی کے افضل سے نقدی اور موٹر سائیکل جبکہ چبہ پرانا کے قریب غلام رضا سے موبائل اور نقدی چھین لی۔ ڈاکوئوں نے سلطان پور کے قریب مسافروں سے بھری بس لوٹ لی، بس میں موجود مسافروں سے موبائل فونز اور نقدی چھین لی گئی۔ سلطان پور کے فیصل شہزاد، سیٹلائٹ ٹائن کے حسنین عباس ، محبوب کالونی کے علی اور مٹیلہ کے انور کی موٹر سائیکلیں چور لے گئے۔ بھیرہ میں جنرل سٹور سے 3 لاکھ مالیتی سامان چوری ہوگیا۔ مقدمات درج کر لئے گئے۔
فرمان الہی
نماز کے اوقات
