مولانا فضل الرحمٰن سے ملاقاتیں بے نتیجہ نہیں، نتیجہ خیز رہیں: رانا ثناء اللّٰہ

وزیرِ اعظم کے مشیر رانا ثناء اللّٰہ نے کہا ہے کہ جے یو آئی ف کے سربراہ مولانا فضل الرحمٰن سے ملاقاتیں بے نتیجہ نہیں نکلیں، نتیجہ خیز رہیں۔

پارلیمنٹ میں گفتگو کے دوران انہوں نے کہا کہ مولانا فضل الرحمٰن اور بلاول بھٹو نے مشاورت کا دائرہ وسیع کرنے کا فیصلہ کیا ہے تو جمہوریت کے لیے اچھا ہے۔

 رانا ثناء اللّٰہ کا کہنا ہے کہ مشاورت کا دائرہ وسیع کرنے کی بات سیاسی نظام کے لیے بہتر ہے۔

عرفان صدیقی کی آئینی ترامیم غیر معینہ مدت تک مؤخر ہونے کی تصدیق

مسلم لیگ ن کے سینیٹر عرفان صدیقی نے آئینی ترامیم غیر معینہ مدت تک مؤخر ہونے کی تصدیق کر دی۔

انہوں نے مزید کہا کہ یہ بے نتیجہ یا ہار جیت والی بات نہیں ہے۔

رانا ثناء اللّٰہ نے یہ بھی کہا ہے کہ آج اجلاس غیر معینہ مدت کے لیے یا پھر ملتوی ہو جائے گا تاکہ مشاورت کا عمل مکمل ہو۔

یاد رہے کہ مسلم لیگ ن کے سینیٹر عرفان صدیقی نے آئینی ترامیم غیر معینہ مدت تک مؤخر ہونے کی تصدیق کر دی ہے۔

’جیو نیوز‘ سے گفتگو کرتے ہوئے عرفان صدیقی نے کہا کہ آج قومی اسمبلی اور سینیٹ کے اجلاس غیر معینہ مدت کے لیے ملتوی ہو جائیں گے۔

انہوں نے کہا کہ پارلیمنٹ سے ترامیم منظور نہ ہونا حکومت کی ناکامی نہیں، مولانا کو ترامیم پر اتفاق مگر بعض جزیات کی تفصیل کے مطالعے کے لیے وقت درکار ہے، ہمارے نمبرز پورے ہیں۔