ہم نے حکومت کا مجوزہ مسودہ یکسر مسترد کردیا، مولانا فضل الرحمان

جمعیت علماء اسلام (جے یو آئی) کے سربراہ مولانا فضل الرحمان نے کہا ہے کہ انہوں نے حکومت کا مجوزہ مسودہ یکسر مسترد کردیا ہے، اب تو حکومت یہ بھی کہہ رہی ہے کہ ہمارا کوئی مسودہ تھا ہی نہیں۔

اسلام آباد میں پی ٹی آئی کے رہنما کی اسد قیصر کے گھر سے روانگی کے موقع پر میڈیا سے گفتگو کرتے ہوئے مولانا فضل الرحمان نے کہا کہ ہم نے حکومت کا مجوزہ مسودہ مکمل طور پر مسترد کر دیا ہے، وہ کسی بھی طرح قابل قبول نہ تھا۔

فضل الرحمان اور ہم نے آئینی ترمیم کا مسودہ مسترد کردیا ہے، اسد قیصر

پاکستان تحریک انصاف (پی ٹی آئی) کے مرکزی رہنما اور سابق اسپیکر قومی اسمبلی اسد قیصر نے کہا ہے کہ مولانا فضل الرحمان اور ہم نے آئینی ترمیم کے مسودے کو مکمل طور پر مسترد کردیا ہے۔

انھوں نے کہا وہ تو یہ بھی کہتے ہیں کہ ہمارا مسودہ نہیں پھر جو مسودہ دیا گیا وہ کیا تھا۔ 

مولانا فضل الرحمان نے مزید کہا کہ مسودہ کسی کو دیا گیا کسی کو نہیں دیا گیا۔ جو ہمیں مسودہ دیا گیا اسکا مطالعہ کیا وہ کسی طرح بھی قابل قبول نہ تھا۔ 

جے یو آئی سربراہ نے کہا کہ یہ ملک اور قوم کی امانت میں اس سے بڑی خیانت نہ ہوتی اگر ہم اس کا ساتھ دیتے۔ 

صحافی نے مولانا فضل الرحمان سے سوال کیا کہ بانی پی ٹی آئی نے آپ کو کوئی جواب نہیں دیا، جس پر مولانا فضل الرحمان نے مسکراتے ہوئے کہا میں بھی کوئی جواب نہیں دے رہا۔