• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسرائیل سے تعاون کے الزام میں 12 افراد گرفتار، پاسدارانِ انقلاب کا دعویٰ

تازہ ترین
بین الاقوامی خبریں
23 ستمبر ، 2024
--- فائل فوٹو
--- فائل فوٹو

پاسدارانِ انقلاب کے جاری کردہ بیان میں دعویٰ کیا گیا ہے کہ اسرائیل سے تعاون کے الزام میں 12 افراد گرفتار کر لیے ہیں۔

پاسدارانِ انقلاب کا کہنا ہے کہ گرفتار افراد پر ایرانی سیکیورٹی کے خلاف منصوبہ بندی کا بھی الزام ہے، ان افراد کو ایران کے 6 مختلف صوبوں سے حراست میں لیا گیا ہے۔

انہوں نے دعویٰ کیا ہے کہ گرفتار 12 افراد ایک منظم نیٹ ورک میں کام کر رہے تھے۔

ابراہیم رئیسی کا ہیلی کاپٹر پیجر پھٹنے سے تباہ ہوا: ایرانی رکنِ پارلیمنٹ

یورپ میں مقیم ایرانی صحافی محمد اہواز کا کہنا ہے کہ ایرانی رکنِ پارلیمنٹ احمد بخشایش اردستانی نے دعویٰ کیا ہے کہ رواں برس مئی میں ایران کے سابق صدر ابراہیم رئیسی کا ہیلی کاپٹر پیجر پھٹنے سے کریش ہو گیا تھا۔

غیر ملکی خبر ایجنسی کے مطابق پاسدارانِ انقلاب نے یہ واضح نہیں کیا کہ ان 12 افراد کو کب گرفتار کیا گیا۔

غزہ اور لبنان میں اسرائیل، امریکا اور مغربی حمایتی اپنے مقاصد میں کامیاب نہیں ہو سکے بلکہ وہ بحران کو ایران تک پھیلانے کے درپے ہیں۔

بین الاقوامی خبریں سے مزید