پنجاب بھر میں 24 گھنٹوں میں ڈینگی کے 69 کیسز رپورٹ

پنجاب بھر میں 24 گھنٹوں میں ڈینگی کے 69 کیسز رپورٹ ہوئے ہیں۔

ترجمان محکمۂ صحت کے مطابق گزشتہ 24 گھنٹوں میں راولپنڈی سے 55، لاہور سے 5، جہلم اور رحیم یارخان سے دو دو ڈینگی کے کیسز رپورٹ ہوئے۔

گزشتہ سال کی نسبت ڈینگی کے کیسز کی شرح بہت کم ہے: ڈپٹی کمشنر حسن وقار چیمہ

ڈپٹی کمشنر راولپنڈی حسن وقار چیمہ نے کہا ہے کہ عوام ڈینگی کے معاملے میں انتظامیہ کے ساتھ تعاون کریں، وزیرِ اعلیٰ پنجاب کی خصوصی ہدایت پر انسدادِ ڈینگی مہم جاری ہے، گزشتہ سال کی نسبت ڈینگی کے کیسز کی شرح بہت کم ہے۔

فیصل آباد، لودھراں، ننکانہ اور بہاولنگر سے ایک ایک ڈینگی کا کیس رپورٹ ہوا ہے۔

 رواں سال اب تک پنجاب میں ڈینگی کے 1163 کیسز رپورٹ ہوئے ہیں۔