بانی پی ٹی آئی کی ضمانت درخواستوں پر بلاجواز تاخیر سمجھ سے باہر ہے، انتظار پنجوتھہ

بانی چیئرمین پی ٹی آئی اور اُن کی اہلیہ بشریٰ بی بی کے وکیل انتظار پنجوتھہ نے کہا ہے کہ ضمانت درخواستوں پر بلاجواز تاخیر سمجھ سے باہر ہے۔

اڈیالہ جیل راولپنڈی میں بانی پی ٹی آئی اور بشریٰ بی بی پر توشہ خانہ کیس 2 کی سماعت بغیر کارروائی کے 30 ستمبر تک ملتوی کردی گئی۔ سماعت ایف آئی اے پراسیکیوٹرز اور وکلاء صفائی کی عدم حاضری کے باعث ملتوی کی گئی۔

کیس کی سماعت کے دوران بانی پی ٹی آئی اور بشریٰ بی بی کو کمرہ عدالت میں پیش کیا گیا۔

معاون وکیل ایف آئی اے نے موقف اختیار کیا کہ راستے بند ہیں، سماعت ملتوی کی جائے۔

اس معاملے پر پی ٹی آئی وکیل انتظار پنجوتھہ نے کہا کہ یہ جان بوجھ کر درخواست ضمانتوں کو التواء دے رہے ہیں، اس معاملے میں بلا جواز تاخیر سمجھ سے باہر ہے۔