پاکستان سے اربوں ڈالرز کی کھجور ایکسپورٹ متاثر ہونے کی وجہ سامنے آ گئی

گورنر سندھ کامران ٹیسوری کا کہنا ہے کہ پاکستان اربوں ڈالرز کی کھجور ایکسپورٹ کر سکتا ہے۔

کامران ٹیسوری نے ایکسپو سینٹر میں تقریب سے خطاب کرتے ہوئے کہا کہ  کمزور ملک نہ تجارت میں حصہ لے سکتا ہے، نہ سفارت میں، ہم ملک کی تجارت کو آگے بڑھائیں گے، ان تمام لوگوں کا شکریہ جو مشکل معاشی حالات میں پاکستان کے ساتھ کھڑے ہیں۔

سندھ نے وفاق سے کھجور کی ایکسپورٹ کھولنے کا مطالبہ کردیا

سندھ نے وفاق سے کھجور کی ایکسپورٹ کھولنے کا مطالبہ کردیا۔

اُنہوں نے کہا کہ ہم سب مل کر کسانوں کی مشکلات حل کریں گے، پاکستانی قوم محنت کرنے والی قوم ہے دنیا سے کسی چیز میں پیچھے نہیں۔

گورنر سندھ نے ایکسپو سینٹر میں میڈیا سے گفتگو کرتے ہوئے کہا کہ اماراتی حکومت کے تعاون سے پہلا کھجور فیسٹول منعقد ہو رہا ہے اور اس فیسٹول کو پاکستانی کاشت کاروں کو ایجوکیٹ کرنے کے لیے منعقد کیا گیا ہے۔

اُنہوں نے بتایا کہ  پاکستان اربوں ڈالرز کی کھجور ایکسپورٹ کر سکتا ہے لیکن بیماریوں، پیکیجنگ اور دیگر وجوہات کی بناء پر ایکسپورٹ متاثر ہے۔