سرحد پر پاک فوج کا افغان فورسز کو منہ توڑ جواب

09 اکتوبر ، 2024

پاک افغان بارڈر پر نوشکی غزنالی سیکٹر میں افغان فورسز کی جارحیت کا پاک فوج نے منہ توڑ جواب دے دیا۔

سیکیورٹی ذرائع کے مطابق افغان فورسز کی جانب سے پاکستان کی پوسٹوں پر فائرنگ کی گئی، جس کے بعد پاکستان نے جوابی کارروائی میں افغان چوکیوں کو نشانہ بنایا۔

فائرنگ کا تبادلہ پاک فورسز کی جانب سے باڑ کی مرمت کے دوران پیش آیا، پاکستان نے مؤثر کارروائی کرتے ہوئے افغان فورسز کے خلاف بھرپور جوابی کارروائی کی۔

سیکیورٹی ذرائع کے مطابق پاک فورسز کی جوابی کارروائی میں افغان فورسز کو بھاری نقصان اٹھانا پڑا، افغان فورسز کی جانب سے بِلا اشتعال جارحیت پہلے بھی کی جا چکی ہے۔

سیکیورٹی ذرائع نے واضح کر دیا ہے کہ پاکستان اپنی سرحدوں کی حفاظت کے لیے مؤثر اقدامات کا سلسلہ جاری رکھے گا، پاکستانی سیکیورٹی فورسز علاقائی سالمیت پر کسی صورت حرف نہیں آنے دیں گی۔

قومی خبریں سے مزید