فرمان الہی
نماز کے اوقات
کراچی میں اسپرے نہ ہونے سے کیڑے مکوڑوں کے باعث جلدی امراض پھیلنے لگے۔
اس حوالے سے ماہر جلدی امراض ڈاکٹر بہرام کھوسو کا کہنا ہے کہ اسپرے نہ ہونے سے مختلف علاقوں میں مختلف اقسام کے کیڑے پھیل رہے ہیں۔
ڈاکٹر بہرام کھوسو نے بتایا کہ جناح اسپتال میں جلدی امراض کے یومیہ 500 تک کیسز رپورٹ ہو رہے ہیں، جن میں سے 100 سے زائد کیسز فنگل انفیکشن کے ہیں۔
انہوں نے بتایا کہ اسکن الرجی، پھوڑے اور دیگر جلدی امراض کے بھی کیسز سامنے آ رہے ہیں، بیماریوں سے نمٹنے کے لیے شہر میں فوری اسپرے مہم کا آغاز کیا جانا چاہیے۔
ڈاکٹر بہرام کھوسو کا کہنا ہے کہ شہری حفظانِ صحت اور صفائی ستھرائی کا خیال رکھیں اور روزانہ نہائیں۔
ماہرِ امراضِ جلد ڈاکٹر بہرام کھوسو نے یہ بھی کہا ہے کہ بیکٹریل اور فنگل انفیکشن سے متاثرہ شخص اپنا تولیہ اور صابن علیحدہ رکھے، ہاتھوں کی صفائی کا لازمی خیال رکھا جائے۔
